சீனாவின் பொருளாதார மதிப்பு 120 டிரில்லியன் டாலராக உயர்ந்துள்ளது.இதனை அடுத்து உலகின் பணக்கார நாடாக அமெரிக்காவை பின்னுக்கு தள்ளி சீனா முதலிடத்தை பிடித்தது.
உலக பொருளாதாரத்தின் நிகர மதிப்புகள் குறித்து ஸ்விட்சர்லாந்தில் உள்ள மெக்கின்சி குளோபல் இன்ஸ்டிட்யூட் நடத்திய ஆய்வில் உலகின் பணக்கார நாடாக அமெரிக்காவை பின்னுக்கு தள்ளி சீனா முதலிடத்தை பிடித்துள்ளதாக தெரிவிக்கப்பட்டுள்ளது. இதற்காக 2000 முதல் 2020ம் ஆண்டு வரையிலான தரவுகளை கொண்டு மேற்கொண்ட இந்த ஆய்வில் : 2000ம் ஆண்டில் 156 டிரில்லியன் டாலராக இருந்த உலகின் பொருளாதார நிகர மதிப்பு 2020ம் ஆண்டில் 514 டிரில்லியன் டாலராக உயர்ந்துள்ளது. இதில், 3ல் ஒரு பங்கினை சீனா பெற்றுள்ளது.
2000ம் ஆண்டில் சீனாவின் நிகர மதிப்பு 7 டிரில்லியன் டாலராக இருந்துள்ளது. இது தற்போது 120 டிரில்லியன் டாலராக அதிகரித்துள்ளது. இதன்மூலம் உலகின் பணக்கார நாடாக அமெரிக்காவை பின்னுக்கு தள்ளி முதலிடத்திற்கு முன்னேறியது. அமெரிக்கா சுமார் 50 டிரில்லியன் டாலர் நிகர மதிப்புடன் 2வது இடத்தில் உள்ளது. உலகளவில் 68 சதவீத சொத்துக்கள் ரியல் எஸ்டேட் சம்பந்தப்பட்ட துறைகளை சார்ந்து இருக்கிறது. அதேபோல், உள்கட்டமைப்பு சார்ந்த சொத்துக்களின் மதிப்பு 11 சதவீதமாக உள்ளது. இவ்வாறு அந்த ஆய்வில் தெரிவிக்கப்பட்டுள்ளது.