டி.ஆர்.பி சீட்டிங்-ரிப்பப்ளிக் டிவி அர்னாப் கைதாக வாய்ப்பு.

SHARE

தன்னை மிகப்பெரிய தேச பக்தனாக காட்டி நடிப்பது, தலைவர்களை தராதரமற்ற முறையில் விமர்சிப்பது போன்ற செயல்களால் பத்திரிக்கை தர்மத்திற்கு உலை வைத்து வரும் அர்னாப் கோஸ்வாமி என்ற போலி பத்திரிக்கையாளருக்கு தொடர் நெருக்கடி ஏற்பட்டுள்ளது.

டிஆர்பி ரேட்டிங் மற்றும் மதிப்பீடு புள்ளிகளை அதிகம் பெற மோசடியில் ஈடுபட்டதற்காக ரிப்பப்ளிக் தொலைக்காட்சி உட்பட மூன்று சேனல்கள் விசாரிக்கப்படவுள்ளதாக,மும்பை போலீசார் தெரிவித்தனர்.

இது தொடர்பாக இரண்டு பேர் கைது செய்யப்பட்டுள்ளனர். அவர்களில் ஒருவர் டிஆர்பி ரேட்டிங் மதிப்பிடுவதற்கு “மக்கள் மீட்டர்” நிறுவிய ஒரு நிறுவனத்தின் முன்னாள் ஊழியர் .
செய்தி சேனல்களில் அதிக டிஆர்பி அல்லது தொலைக்காட்சி மதிப்பீட்டு புள்ளிகளை பெற்றதாக கூறப்படும் ரிப்பப்ளிக் டிவியின் அதிகாரிகள் இன்று அல்லது நாளை வரவழைக்கப்படுவார்கள் என காவல் துறை அதிகாரி கூறினார்.
விளம்பரதாரர்களிடமிருந்து அவர்கள் பெறும் நிதி மற்றும் “அவை குற்றங்களின் வருமானத்திலிருந்து வந்தவையா” என்பதைத் தவிர, சேனல்களின் வங்கிக் கணக்குகள் குறித்து தீவிர விசாரனை நடத்தப்படும் என்று மும்பை காவல்துறைத் தலைவர் பரம்வீர் சிங் கூறினார். 


“சேனலில் சம்பந்தப்பட்ட எவரும், எவ்வளவு உயர் நிர்வாகியாக இருந்தாலும், எவ்வளவு மூத்தவராக இருந்தாலும், சம்பந்தப்பட்டவர்கள் விசாரிக்கப்படுவார்கள்” என்று அவர் கூறினார்.
ஏதேனும் குற்றம் வெளிவந்தால், கணக்குகள் பறிமுதல் செய்யப்படும், மேலும் நடவடிக்கை எடுக்கப்படும் என்றும்  சிங் கூறினார்.
முக்கியமாக விளம்பர வருவாய்க்கு மட்டுமே தவறான டிஆர்பி மதிப்பீடுகள் வாங்கப்பட்டன. இதன் ஒரு பகுதியாக, ஒரு குறிப்பிட்ட சேனலை எல்லா நேரத்திலும் ஆன் செய்து வைத்திருக்குமாறு குறிப்பிட்ட வீடுகளுக்கு கூறப்பட்டது.

“கல்வியறிவற்ற மக்கள் வாழும் வீடுகள் ஆங்கில சேனல்களை தொடர்ந்து ஆனில் வைத்திருக்கும்படி கேட்கப்பட்டன. இதனால் அந்த வீடுகளுக்கு பணம் வழங்கப்பட்டு உள்ளது என காவல் துறை தலைவர் பரம்வீர் சிங் கூறினார்.


SHARE

Related posts

Leave a Comment