காங்கிரஸ் எம்.எல்.ஏக்கள் கூட்டத்தில் சச்சின் பைலட்டை கட்சியில் இருந்து நீக்க தீர்மானம் நிறைவேற்றப்பட்டதாக தகவல் வெளியாகி உள்ளது.பதிவு: ஜூலை 14, 2020 13:42 PMஜெய்ப்பூர்
ராஜஸ்தானில் ஆளும் காங்கிரஸ் அரசின் முதல்-மந்திரி அசோக் கெலாட், துணை முதல்-மந்திரி சச்சின்
பைலட்டுக்கும் இடையே நீண்ட காலமாக அதிகார மோதல் இருந்து வருகிறது. கடந்த நாட்களாக இந்த மோதல்
பகிரங்கமாக வெடித்துள்ளது.
தனக்கு 30 எம்.எல்.ஏ.க்களின் ஆதரவு இருப்பதாகவும், கெலாட் அரசு பெரும்பான்மையை இழந்து விட்டது என்றும் சச்சின் தெரிவித்திருந்தார்.
நேற்று முன்தினம் சச்சின் பைலட்
எம்.எல்.ஏக்கள் கூட்டத்திலும் பங்கேற்கப்போவதில்லை என அறிவித்தார். காங்கிரஸ் எம்.எல்.ஏ.க்கள் அனைவரும்
முதல்-மந்திரிக்கே ஆதரவாக இருப்பதாக கெலாட் தரப்பு தெரிவித்தது.
இந்த பரபரப்பான சூழலில் கட்சியின் சட்டசபைக்குழு கூட்டம் நேற்று முதல்-மந்திரி அசோக் கெலாட் வீட்டில்
கூடியது. எனினும் சச்சின் பைலட்டும், அவரது ஆதரவாளர்கள் என கருதப்படும் சில
எம்.எல்.ஏ.க்களும் பங்கேற்கவில்லை.
சச்சின் பைலட் தனக்கு 30 எம்.எல்.ஏக்கள் ஆதரவு இருப்பதை நிரூபிக்க அவர்களது வீடியோவை வெளியிட்டுள்ளார்.
சச்சின் பைலட்டின் முகாமில் 15 எம்.எல்.ஏக்கள்
இந்த வீடியோவில் 15 எமஎல்ஏக்கள் ஒன்றாக அமர்ந்திருக்கும் வீடியோ
வெளியிடப்பட்டுள்ளது.
இந்நிலையில் நாங்கள் சச்சின் பைலட்டுக்கு 2-வது வாய்ப்பு கொடுக்கிறோம். இன்று நடைபெறும் எம்.எல்.ஏ.-க்கள்
கூட்டத்தில் அவர் கலந்து கொள்ள வேண்டும் என கேட்டுக்கொள்கிறோம். இன்று அனைத்து எம்.எல்.ஏ.-க்களும்
ஒன்றிணைந்து, தலைமைக்கு ஆதரவு கொடுப்பார்கள் என்று நம்புகிறேன். மக்கள் வாக்களித்துள்ள நிலையில்,
நாங்கள் எல்லோரும் மாநில வளர்ச்சிக்காக பாடுபட விரும்புகிறோம்’’ என்று ராஜஸ்தான் மாநில காங்கிரஸ் தலைவர்களில் ஒருவரான அவினாஷ் பாண்டே கேட்டுக்கொண்டார்.
ஆனால் எம்.எல்.ஏ.க்களின் இரண்டாவது கூட்டத்தையும் சச்சின் பைலட் தவிர்த்துவிட்டார்.
ராஜஸ்தான் காங்கிரஸ் கட்சி எம்.எல்.ஏ.க்கள் கூட்டம் ஜெய்ப்பூரில் போர்மான்ட் ஓட்டலில் இன்று நடைபெற்றது. இந்த கூட்டத்தில் சச்சின் பைலட்டை கட்சியில் இருந்து நீக்க தீர்மானம் நிறைவேற்றப்பட்டது. மேலும் துணை முதலமைச்சர் பதவியில் இருந்து சச்சினை நீக்கவும் தீர்மானம் நிறைவேற்றப்பட்டுள்ளது.இந்த கூட்டத்தில் 102 எம்.எல்.ஏக்கள் கலந்து கொண்டனர்.